تطبيق يخليك تشتري فائض آخر اليوم من الأفران والمطاعم والمحلات ببغداد — أكياس أكل بنص السعر أو أقل، تحجزها وتستلمها من المحل.

ماكو شي بيه. هذا أكل طازة انطبخ أو انخبز نفس اليوم، بس ما انباع گبل وقت الإغلاق — بدال ما ينرمي، ينباع بسعر أقل. نفس الجودة اللي عالرف.

حسب المحل — خبز، معجنات، حلويات، وجبات أو عصائر. بعض الأكياس محتواها معروض بالصور، وبعضها مفاجأة بقيمة أعلى من سعرها.

كاش بإيدك عند الاستلام من المحل. ماكو دفع أونلاين بهالمرحلة، وماكو أي رسوم إضافية.

تگدر تلغي الحجز من التطبيق گبل وقت محدد ويرجع الكيس للناس. التكرار بدون إلغاء ممكن يوگف حسابك مؤقتاً — حتى نحمي المحلات.

عبّي النموذج بقسم “عندك محل أكل؟” وفريقنا يتواصل وياك خلال ٢٤ ساعة ويمر عليك بالمحل — التسجيل والتجهيز كله علينا.